Улуттук банк экономиканы колдоого 5 млрд сом жөнөтөт, - Абдыгулов

Президенттин тапшырмасы боюнча жакынкы айларда Улуттук банк өлкөнүн экономикасын колдоого 5 млрд 250 млн сом жөнөтөт, деп белгиледи Улуттук банктын төрагасы Толкунбек Абдыгулов.

Анын айтымында, антикризистик пландын алкагында көрсөтүлгөн каражаттардын бөлүштүрүлүшү төмөндөгүдөй болмокчу:

1 млрд сом айланма капиталга;
1,5 млрд сом айыл чарбасын каржылоого;
1 млрд сом микрокредиттик компанияларга;
750 млн сом (“Керемет Банк” аркылуу) орто жана чакан бизнести колдоого;
1 млрд сом Кепилдик фондунун уставдык фондун көбөйтүүгө.

Мындан тышкары, Т.Абдыгулов өзгөчө абал учурунда банк системасынын 7 миӊ кызматкери күн сайын жумушка чыкканын, мындан улам төлөм системасынын үзгүлтүксүз иштеши камсыздалып, кыргызстандыктарга бардык пенсиялар жана жөлөк пулдар убагында жеткирилип атканын кошумчалады.