Улуттук банк эски акчаларды алмаштыруу жана алтын сатууларды убактылуу токтотот

Улуттук банк өлкөдө эпидемиологиялык кырдаал жакшырганга чейин эскилиги жеткен акчаларды алмаштыруу, ошондой эле өлчөнгөн алтын куймаларды жана нумизматикалык баалуулуктарды сатуу боюнча операцияларды убактылуу токтотот.

Улуттук банктын басма сөз кызматы билдиргендей, мындай аракет өлкөдө курч эпидемиологиялык кырдаал жаралгандыгына байланыштуу СOVID-19 инфекциясынын жайылып кетүү тобокелдигин азайтуу максатында жүргүзүлүп жатат.