Улуттук банктын алтын активдери бир жыл ичинде 41,4 млрд сомго көбөйдү

Кыргызстандын Улуттук банкынын алтын активдери бир жыл ичинде 41,4 млрд сомго көбөйдү.

Ведомствонун маалыматы боюнча, Улуттук банктын алтын резерви 2023-жылдын май айынын акырына карата 91 млрд 627 млн 993 миң сомду түздү. Өткөн жылдын ушул мезгилине карата резерв 50 млрд 191 млн 298 миң сомду түзгөн.

Ошентип, жыл ичинде Улуттук банктын алтын түрүндөгү активдери 41 млрд 436 млн 695 миң сомго көбөйдү.