Улуттук банктын кызматкеринен коронавирус аныкталды

Улуттук банктын кызматкеринен коронавирус аныкталды. Бул тууралуу банктын басма сөз кызматынан билдиришти. 

Маалыматка караганда, 18-июнда Улуттук банктын кызматкеринен COVID-19 инфекциясы аныкталып, учурда ал стационардык дарыланууда. Оору жеңил формада өтүп жатат. 

"Контакта болгон кызматкерлер үй карантинде. Алардан анализ алынды. Коронавирус аныкталган кызматкер иштеген имарат дезинфекцияланды", - деп айтылат маалыматта. 

Учурда банктын башка кызматкерлеринен COVID-19 инфекциясы аныкталган эмес. Улуттук банк штаттык режимде иштөөнү улантууда. 

19-июнга карата республика боюнча СOVID-19 инфекциясынын жаңы 132 учуру катталды. Муну менен республика боюнча жалпы 2 789 учур болду.