Улуттук хирургия борбору менен перинаталдык борбор коронавирусту дарылоо үчүн кайра түзөтүлөт (фото)

Вице-премьер-министр Аида Исмаилова Улуттук хирургия борборуна жана Шаардык перинаталдык борборго аталган медициналык мекемелерди коронавирустук инфекцияга чалдыккан бейтаптар үчүн кайрадан түзүп чыгуу үчүн алардын мүмкүнчүлүгүн баалоо максатында барды.

Өкмөттүн басма сөз кызматы билдиргендей, эксперттер тобу менен биргеликте Аида Исмаилова учурдагы абал менен таанышып, мекемелердин жабдылышы, квалификациялуу медициналык көмөк көрсөтүү, атап айтканда, интенсивдүү терапия тейлөөсүн көрсөтүү мүмкүнчүлүгү менен таанышып чыкты.

Улуттук хирургия борборунда медициналык кызматкерлер калкка ыкчам хирургиялык көмөк көрсөтөт, ошону менен катар 40ка жакын орун коронавирустук инфекциясы өтүшүп кеткен бейтаптар үчүн бөлүнгөн. 

Шаардык перинаталдык борбор №2 төрөт үйүнө тийиштүү кош бойлуу аялдарды да кабыл алат, ал коронавирус инфекциясына чалдыккан бейтаптар үчүн толугу менен кайрадан түзүлгөн. Башка мамлекеттик клиникалар да калкты тейлөө үчүн кайрадан түзүлгөн бөлүмдөрдү сунуштамакчы.