Улуттук онкология жана гематология борборуна коронавирусту бейтаптардын бири алып барган

Бишкек шаарындагы Улуттук онкология жана гематология борборунда коронавирус дарыланып жаткан бейтаптан тараган. Бул тууралуу 22-майдагы брифингде саламаттыкты сактоо министринин орун басары Нурболот Үсөнбаев  билдирди.

“Панфилов районунан келген бейтап апрель айында небереси менен келип дарыланып чыгып кеткен. Ал ооруканадан кеткенден кийин жергиликтүү дарыгерлерге кайрылып, андан илдет аныкталган. Андан кийин биз ал дарыланып кеткен жердеги 120 дарыгердин ПЧР анализин алганбыз. Натыйжада 14 адамдан илдет табылды. Алардын бири дарыгер, экөөсү медайым, үч эне жана сегиз бала. Эпидемиологиялык абал толук көзөмөлдө”, - деди Үсөнбаев.