2021-2022 окуу жылына карата Венгриядагы ЖОЖдорго студенттерди чакырат. Бул тууралуу Билим берүү жана илим министрлигинин басма сөз кызматы кабарлады.
Венгриянын Адам ресурстары министрлиги жыл сайын Кыргызстандын жарандарын Венгриянын жогорку окуу жайларында венгр же англис тилдеринде окутуу үчүн грант бөлүп берет.
«Эки мамлекеттин ортосунда келишим негизинде гранттар бөлүнүп берилет. 2021-2022-окуу жылына карата Кыргызстандын жарандары үчүн медицина, маалымат технологиялары, инженерия, табигый илимдер, айыл чарба, коомдук илимдер, экономикалык илимдер, саясий илимдер, спорт илимдери сыяктуу 150 орун бар. Программанын студенттери акысыз окуу, ай сайын стипендия, жатаканага жайгашуу жана медициналык камсыздандыруу менен камсыз болушат», - деп билдирди министрлик.
Пикирлер (4)