Кыргызстандыктар Polyak Imre&Varga Janos Memorial рейтингдик турниринде медалдарга ээ болушту. Бул тууралуу Бириккен күрөш дүйнөсүнүн сайтында маалымдалды.
Мелдештин биринчи күнүнүн алдында эркектер арасында эркин күрөш боюнча жети комплект медаль ойнотулду.
Алмаз Сманбеков 57 килограммга чейинки салмак ченинде үч беттеш өткөрүп, финалга чыгып, Кытайдан келген балбанга утулуп калды.
Дагы бир кыргызстандык Икромжон Хаджимуродов 65 килограммга чейинки салмак ченинде коло тагынды.
Будапешттеги турнир 13-16-июль күндөрү өтөт. Кыргызстандын атынан Айсулуу Тыныбекова жана Айпери Медет кызы баш болгон 10дон ашык спортчу катышууда.
Пикирлер (0)
Пикир жок. Сиз биринчилерден болушуңуз мүмкүн