Вице-премьер Акрам Мадумаров Баткен облусуна учуп кетти

Вице-премьер-министр Акрам Мадумаров Кыргызстандын Куралдуу күчтөрүнүн аскердик-транспорттук учагы менен өлкө жетекчилигинин тапшырмасы боюнча Баткен облусуна кетти.

Өкмөттүн басма сөз кызматы билдиргендей, вице-премьер-министр окуядан жабыркаган аскер кызматчылары дарыланып жаткан ооруканага барат. 

Ал ошондой эле укук коргоо органдарынын жана жергиликтүү бийлик органдарынын катышуусунда кечээ мамлекеттик чек аранын кыргыз-тажик тилкесинде ок атуучу курал колдонуу менен болуп өткөн окуяга байланыштуу кырдаал боюнча ыкчам кеңешме өткөрөт. 

Тема боюнча: Баткенде ок атышуу болуп, кырдаал курчуду

Кыргыз-тажик өкмөт башчылары ок атуучу курал колдонууга жол бербестигин белгилешти