Жогорку Кеңештин төрагасы Талант Мамытов Москвага болгон иш сапары учурунда Россиянын Мамлекеттик Думасынын төрагасы Вячеслав Володин менен жолукту. Жолугушууда Т.Мамытов Кыргызстан менен Россиянын ортосундагы аба жана темир жол каттамдарын көбөйтүү мүмкүнчүлүгүн карап чыгууну өтүндү. Ал эми Володин интеграцияда туура багыт алуу зарылдыгына токтолуп, тымызын какшык менен Кыргызстанга "багытын" көрсөттү.
“Европада жакшы шарттар болгону менен КМШдан барган жарандарды эч ким күтүп албайт. Келечек – интеграцияда. Ар кандай факторлорду эске алып, кайсы мамлекеттер менен биригүү маанилүү экенин түшүнүш керек. Эч кимди таарынткым келбейт. Кээ бир мамлекеттердин айрым саясатчылары интеграция жөнүндө кеп козголгондо дароо АКШ тарапка бурула башташат. Ал эми оорчулук келгенде, башына каран күн түшкөндө заматта Россияга кайрылат”, - дейт ал.
Пикирлер (3)