Жанар Акаев: Эмки парламент азыркыдан да жаман болот

Олигархтар кийинки шайлоодо сом эмес, доллар таратат. Мындай пикирин Жогорку Кеңештин депутаты Жанар Акаев "Азаттыктын" талкуусунда билдирди. 

Анын айтымында, парламенттеги олигархтарды элдин пикири кызыктырбайт. 

"Азыр парламенттеги алты фракция тең кайра шайлоого баратпайбы. Алар азыр ар бир райондо ишкерлерди издеп жатышат. Эмки парламент жана өкмөт азыркыдан дагы жаман болот. Айылдарда азыр элге 50 доллардан таратканыбыз жакшы. Анткени көпчүгүлүгү доллар кармай элек. Мындай акчаны көргөндө алар башкача психология менен бизге добуш берет деген ой менен алар азыр сом эмес, доллар даярдап жатышат", - деди Акаев.