КР Жогорку Кеңешинин депутаты Айбек Алтынбеков коронавирус менен күрѳшүүгѳ жардам берүүсүн улантууда. Бул ирет эл ѳкүлү Базар-Коргон районунда ачылган обсервацияга жардам катары 10 дем алдыруучу концентраторду тапшырды.
Эл ѳкүлү концентраторлорду тапшырып жатып, ооруканада илдет менен алышып жаткандарга ден-соолук каалап, оорудан сакайып кетүүсүн каалады. Ошону менен бирге концентраторлор кѳптѳгѳн оорулууларды ѳлүмдѳн алып каларына ишеними чоң экенин билдирди.
Депутат ошондой эле обсервациянын шейшеп, жууркандарын жаңылоо үчүн 50 миң сом берди.
Эл ѳкүлүнүн мындай жардамына ак халатчандар ыраазылыктарын айтышып, ишине ийгиликтерди каалады. Базар-Коргон райондук администрациясы болсо эл ѳкүлүнѳ Ыраазычылык грамотасын тапшырды.
Пикирлер (0)
Пикир жок. Сиз биринчилерден болушуңуз мүмкүн