Жогорку Кеңештин жыйынында депутат Дастан Бекешев бишкектик ишкерлер 40-50 миң сомдон комуналдык төлөм келип жаткандыктан, жылуулуктан баш тартууну каалап жатканын билдирди.
«Коммерциялык баада бул абдан кымбат, жөнөкөй жарандарга деле коммуналдык төлөмдөрдү төлөө кыйын. Өткөн жылы алар бир эле учурда лифтке, ысык сууга, жылуулукка, муздак сууга, таштандыга жана электр энергиясына тарифтерди көтөрүшкөн», - деди ал.
Дастан Бекешев президенттин жана министрлер кабинетинин парламенттеги өкүлү Алмасбек Абытовго кайрылып, 2024-жылга салыштырмалуу канча адам коммуналдык төлөмдөрдү төлөй албай жатканын жана тарифтер өтө көтөрүлүп кеткендигине талдоо жүргүзүүнү өтүндү.
Депутат аларды мурдагы деңгээлине кайтарбаса да, төмөндөтүү керектигин айтты. Ал жок дегенде жарандарга бөлүп-бөлүп же кийинкиге жылдырып төлөө мүмкүнчүлүгүн берүүнү суранды.
Пикирлер (0)
Пикир жок. Сиз биринчилерден болушуңуз мүмкүн