10-майда Жогорку Кеңештин Эл аралык иштер, коргоо жана коопсуздук боюнча комитети Кыргызстандын Кувейттеги элчиси кызмат ордуна Азамат Омарбаевич Карагуловдун талапкерлигин жактырды.
Буга чейин Самаргүл Адамкулова 2018-жылдан бери Кыргызстандын Кувейт, Бахрейн жана Иорданиядагы элчиси болуп иштеп келген.
Аталган комитет Кыргызстандын Италиядагы элчиси кызмат ордуна Базарбаев Таалай Чолпонбековичтин талапкерлигин жактырды.
Ошондой эле, анын талапкерлиги БУУнун Азык-түлүк жана айыл чарба уюмундагы, БУУнун Дүйнөлүк азык-түлүк программасындагы жана Римдеги башка эл аралык уюмдардагы Кыргыз Республикасынын туруктуу өкүлү кызматына талапкер катары каралды.
Ал эми Кыргызстандын Түркмөнстандагы элчиси кызмат ордуна Талант Султановдун талапкерлигин жактырды.
Тышкы иштер министринин орун басары Азиз Мадмаров өзүнүн талапкерлигин JK Комитетинин мүчөлөрүнө сунуштады.
Пикирлер (0)
Пикир жок. Сиз биринчилерден болушуңуз мүмкүн