Парламентте оң рулдуу унааларды алып кирүүгө жана каттоого уруксат берүүнү кайрадан сунушталды

Жогорку Кеңештин 5-октябрдагы жыйынында депутат Русланбек Жакышов оң рулдуу унаалардын ээлери кайрылып, унаасын каттай албай жатканын билдирди.

"Акыркы убакта Кыргызстанга Армения менен Абхазиядан оң рулдуу унаалар алынып келинди, кайрылгандардын айтымында, өлкөдө оң рулдуу унаалардын саны 50 миңге жетиши мүмкүн. Алар унааларын каттай албай, бул боюнча жардам сурап жатышат. Алар транспортту каттаса, миллиондогон акча бюджетке түшмөк. Мындан сырткары автопарк жаңыланып, баалар төмөндөмөк", - деди Жакышов.

Ал оң рулдуу унааларга уруксат берүүнү жана рулду оңдон солго жылдыруу үчүн тейлөө борборун ачууну сунуштады.