ЖМК: Япон премьери Олимп оюндарын бир жылга жылдырууну сунуштады

Япониянын Премьер-министри Синдзо Абэ Эл аралык олимпиада комитетинин жетекчиси Томас Бахка 2020-жылдагы Токиодо өтүүчү Олимп оюндарын бир жылга жылдырууну сунуштады. Бул тууралуу чет элдик басылмалар жазып чыкты.

Маалыматка ылайык, Токиодогу Олимп оюндарынын уюштуручусу Ёсиро Мори япон премьер-министри  Синдзо Абе жана ЭОКтун жетекчиси Томас Бах телефон аркылуу спорттук иш-чараны жылдыруу тууралуу баарлашканы кабарланат. Анда Япониянын Премьер-министри Синдзо Абэ Эл аралык олимпиада комитетинин жетекчиси Томас Бахка 2020-жылдагы Токиодо өтүүчү Олимп оюндарын бир жылга жылдырууну сунуштаганы айтылат.

Жайкы Олимп оюндары 24-июлдан 9-августка чейин белгиленген. Айрым олимпиадалык комитеттер ЭОКту мелдешти бир жылга жылдырууга чакырган.