Жакында Баткенде 500 тонналык соода-логистикалык борбор ачылат

Жакында Баткен районунда кубаттуулугу 500 тонналык соода-логистикалык борбор ачылат. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.

Бүгүн министрлер кабинетинин төрагасынын орун басары – айыл чарба министри Бакыт Төрөбаев Баткен районунун Жаңы-Жер айылында жайгашкан мөмө-жемиш сактоочу соода-логистикалык борборго барды.

Бул соода-логистикалык борбор министрликтин демилгеси менен ишке ашырылып, каржылоонун айкалышкан ыкмасы колдонулууда:

• 3 млн сом – жергиликтүү айыл өкмөтүнүн каражаты;
• 7 млн сом – Баткен районун өнүктүрүү фондунан;
• 17,1 млн сом – министрликтин "Аймактарды комплекстүү өнүктүрүү" долбоорунун алкагында Кореянын Good Neighbours  уюмунун гранттык каражаты.
• 
  

Борбордун курулуш максаты – айыл чарба продукциясын сактоо жана кайра иштетүү үчүн шарттарды түзүү, бул болсо жергиликтүү дыйкандарга түшүм жоготууларын азайтууга, бааларды турукташтырууга жана кирешелерди көбөйтүүгө мүмкүнчүлүк берет. Борбордун кубаттуулугу 500 тоннаны түзүп, продукцияны оптималдуу шартта сактоого жана жергиликтүү өндүрүүчүлөрдүн атаандаштыкка жөндөмдүүлүгүн жогорулатууга шарт түзөт.

Соода-логистикалык борбордун ачылышы 2025-жылдын апрель айынын аягына – май айынын башына пландалууда. Борбор ишке киргенден кийин 10 жумуш орду түзүлүп, жергиликтүү элдин өнүгүүсүнө салым кошот.