Жакшы досуң – алыстан чүчкүрөт. Коронавируска байланыштуу тамашалар

Кайсы учур болбосун кыйындыкка күлүп караган жакшы. Коронавируска байланыштуу калк ичинде айтыла баштаган тамашалардан:

• Вирус чымчык эмес, учуп кетсе кармай албайсың.

• Канчалык аралыкты сактаса, анык досуң ошол.

• Чакырылбаган конок – ооруну алып жүргөн ойрондон жаман.

• Сакалга жуккан вирус – өпкөгө өтөт.

• Оорусаң өзүңдү обочо кармаганың – айыгуунун тамырын кармаганың.

• Үйдөн иштегениңде - бир жума беш жумага айланып кетет экен.

• Бирөөнүн Вайфайы бирөөнө кыз көрүнөт

• Кудайга ишен, колуңду жууганды да унутпа.

• Балдар баарын талкаласын, Веб-камерама эле тийбесе болду.

• Убада кылган вакцинаны үч жыл күтөт.

• Вирустан корксон – чуркап эмне кыласың.

• Бирөө иштейт, жетөө карантинди шылтоолоп катынынын койнунда.

• Көчөгө чыгып сулуу буттарыңа суктанткын келсе – бет кабыңды унутпа.

• Сактанбай оору жугузган – карантинде сасыйт.

• Итирейген санитайзердин – иттей кымбаттыгын айт.

• Коронавируска ишенбей жатып – карантинде жасалгандардын баарын бүлдүрбөдүбү.

• Карантинден үмүт кылып – кардыңды сылап жата бербе. 

• Жакшы досуң – алыстан чүчкүрөт.

• Бардык жолдор Уханга алып барат.

• Корона дегениң шибегедей эле – каякка чүчкүрсөң ошол жакты тешип чыгат.

• Карантинде ат алмаштырбайт.

• Ат-аа, жеңиме эле чүчкүрөйүн дегем, мойнум кыска болуп жатпайбы.

• Өзүңдүн өлкөңдө болбогондон кийин, өзгөнүн вакцинасын мактап не кыласың.

• Виртуалдык дос – жаңы достун экөөсүнөн артык.

• Акыркы чүчкүргөн адам, баарынан жакшы чүчкүрөт.