Жалал-Абад мэри Тагаевден коронавирус табылды

Жалал-Абад шаарынын мэри Мураталы Тагаев коронавирус жугузуп алды. Мындай маалыматты шаардык мэриянын басма сөз кызматы ырастады деп жазды “Азаттык”.

Калаа башчысынан COVID-19 17-июнда аныкталган. 18-июнда мэриянын бардык кызматкерлери ПЧР анализ тапшырып, азыр жыйынтыгын күтүп жатышат.

Мекемеден кабарлашкандай, мэрияда иш ыргагы токтогон жок жана кандай тартип колдонулары эми белгилүү болот.

18-июнда шаардык кеңеште 18 депутаттын катышуусунда жаңы төраганы шайлоо өтүп, ага шаар башчысы катышкан эмес.