- Бүгүн 10-октябрда Жалал-Абад шаардык ички иштер бөлүмүндө азыркы кырдаалга байланыштуу жыйын өткөрүлдү. Бул тууралуу ОИИБдин басма сөз кызматы билдирди.
- Маалыматка караганда, жыйынга Ооган
жана Баткен согушунун ардагерлери, ИИМдин ардагерлери жана жеке менчик күзөт
кызматынын башчылары катышышты.
- "Жалал-Абад ШИИБдин начальниги милициянын полковниги Эрнист Молдокеев өз сөзүндө өлкөдө болуп жаткан кырдаалга байланыштуу шаарыбыздын тургундарынын коопсуздугун камсыздоо башкы маселе экенин белгиледи. Жеке менчик күзөт кызматынын башчыларына соода-жайларынын товарларын бөтөн адамдарга алдыртпай, күзөттө турган күзөтчүлөр сак болуп, курал-жарак колдонууда этият болууга чакырды. Массалык талап-тоноочулуктардын алдын алууда, эл арасында түшүндүрүү иштерин жүргүзүүдө ардагерлерди милицияга көмөктөшүүгө үндөдү. Азыркы учурга карата Жалал-Абад шаарынын аймагында коомдук-саясий абал туруктуу жана милициянын көзөмөлүндө", - деп айтылат маалыматта.
Жалал-Абад шаардык ички иштер бөлүмүндө азыркы кырдаал талкууланды
Пикирлер (0)
Пикир жок. Сиз биринчилерден болушуңуз мүмкүн