Жалал-Абад: Кызматкерлери бүт коронавируска чалдыккан оорукана жабылды

Жалал-Абад шаардык ооруканасынын жугуштуу оорулар бөлүмүнүн бардык медицина кызматкерлери коронавирус илдетин жуктуруп алган. Бул тууралуу саламаттыкты сактоо министри Сабиржан Абдикаримов бүгүн, 8-апрелде онлайн брифингде билдирди.

Анын айтымында, учурда оорукананы жаап, атайын жыйынтыктоочу дезинфекцияга берилет. Ош облустар аралык ооруканасынын бир корпусуна жугуштуу оорулар боюнча бөлүм даярдалып, керебеттер коюлат.

Ал эми Жалал-Абад шаардык ооруканасы атайын тазалоо иштери жүргүзүлгөндөн кийин гана ишке берилет. Андагы чалдыккан дарыгер, медицина кызматкерлеринин бары үй карантинине жиберилди жана жакын байланышта болгондор обсервацияга алынды.