Жалал-Абад шаарында мыйзамсыз менчиктештирилген жалпы аянты 3,7 гектар болгон жер тилкелери мамлекеттин менчигине кайтарылды. Бул тууралуу Улуттук коопсуздук мамлекеттик комитетинен билдиришти.
Мыйзамсыз менчиктештирилген мамлекеттик мүлктү кайтарып алуу боюнча жүргүзүлүп жаткан иш-чаралардын жүрүшүндө атайын кызмат тарабынан Жалал-Абад шаарында 1960-1970-жылдары жер тилкелери жыгач кампасын жана соода базасын куруу жана жайгаштыруу үчүн бөлүнгөнү аныкталган. Бирок, 1999-2008-жылдары аталган жер тилкелери жеке менчикке мыйзамсыз өтүп кеткен.
Жүргүзүлгөн ыкчам-иликтөө иш-чараларынын натыйжасында 2,40 жана 1,35 гектар жер тилкелери мамлекеттин балансына кайтарылды. Аталган жер тилкелерине социалдык объектилерди, атап айтканда, Спорт жана жаштар ордосун жана Эл аралык Ала-Тоо университетин филиалын куруу пландалууда.
Пикирлер (0)
Пикир жок. Сиз биринчилерден болушуңуз мүмкүн