Жалал-Абад шаары жана Сузак районунун аймагында муктаж үй-бүлөлөргө колдоо көрсөтүү максатында комендатуранын алдында “Бирге жеңебиз” урааны менен атайын штаб ачылды, деп билдирди аталган аймактар боюнча комендатурасынын басма сөз кызматы.
Бул штабды ачуунун максаты - аз камсыз болгон үй-бүлө катары мамлекеттик тизмеге кирбей калгандарды да унатта калтырбоо, материалдык жардамдын бир адамга кайталанып берилүүсүнүн алдын алуу жана чыныгы муктаждарга колдоо көрсөтүү. Ошондой эле колунда бар, муктаж үй-бүлөлөр үчүн жардам колун сунгандардын башын бириктирип, алар тараптан берилген кийимдерди, азык-түлүктөрдү ж.б. каражаттарды кабыл алып, аларды керектүү даректерге жеткирүү болуп саналат.
Бүгүн, 17-апрелде бул штабдын өкүлдөрү менен Жалал-Абад шаары жана Сузак району боюнча комендант Жеңиш Жоробеков жолугушуп, комендатуранын байланыш номерлерине жардам сурап кайрылып жатышкан инсандардын даректерин тактап, керектүү азык-түлүктөрдү ыкчам жеткирип туруу керектигин белгиледи.
Бул аймактарда муктаж болгондорго бүгүнтөн баштап азык-түлүктөр даректерине жеткириле баштады. Жалал-Абад шаары боюнча муктаждар 0701 11-70-32 номуруна, Сузак району боюнча 0701 11-70-30 номуруна чалып кайрыла алат, деп кошумчалады басма сөз кызматы.
Пикирлер (0)
Пикир жок. Сиз биринчилерден болушуңуз мүмкүн