Жалал-Абадда Нарын дарыясына түшүп кеткен 17 жаштагы жигит табылбай жатат

Жалал-Абад облусунда Нарын дарыясына түшүп кеткен 17 жаштагы жигитти издөө иштери жүрүүдө. Бул тууралуу Өзгөчө кырдаалдар министрлигинен билдирди.

Маалыматка ылайык, Аксы районунун  Үч-Коргон айыл аймагына караштуу Кум айылында 14-июнь күнү Нарын дарыясына 17 жаштагы эркек бала түшүп кеткендиги тууралуу маалымат түшкөн.

Издөө иш-чараларын жүргүзүүгө Таш-Көмүр шаардык №2 өзүнчө издөө куткаруу отрядынын куткаруучулары жана Аксы райондук №30 өрткө каршы куткаруу бөлүмүнүн куткаруучулары, жалпы 15 куткаруучу тартылган.

Издөө иштери бүгүн 15-июнда улантылат.