Жалал-Абад шаардык милициясы тарабынан коронавирус илдетинин жайылышынын алдын алуу багытында коомдук жайларда тилемчилик менен алектенген жарандарга карата рейд жүргүзүлүп, алардын жашаган жерлери текшерилди. Бул тууралуу ОИИБдин басма сөз кызматы билдирди.
Маалыматка караганда, рейддин жүрүшүндө 12 жаран балдары менен сырттан келишип, тилемчилик кылаары аныкталды.
"Алардын өздүктөрү такталып, Ош облусунун Кара-Суу районуна тиешелүү кызматтардын коштоосунда, санитардык нормаларды жана жеке гигиеналык эрежелерди сактоо менен жеткирилди.
Ал эми карантин мезгилин эске албай жарандардын чогулушуна жана убактылуу жашаган үйдүн санитардык абалы тиешелүү талапка жооп бербегендиги үчүн үйлөрүн ижарага берген атуулдарга айып пулдар салынды", - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн