Жалал-Абад облустук милициясы тарабынан мурда бир нече жолу соттолгон жаран кармалды. Бул тууралуу Жалал-Абад ОИИБдин басма сөз кызматынан билдиришти.
Маалыматка ылайык, милициягы А.Л. аттуу жаран арыз менен кайрылып, 2023-жылдын 21-февраль күнү саат 21:30 чамасында Сузак районунун аймагынан өткөн Ош-Бишкек автожолундагы айлампада (круговой) “Эдик” аттуу адам шериктери менен бети-башына уруп денесине жараат келтиргендигин билдирген.
Бул факты Сузак РИИБдин Тергөө кызматы тарабынан Кыргыз Республикасынын Кылмыш-жаза кодексинин 280-беренеси (Бейбаштык) менен КБРге катталып, кылмыш иши козголгон.
Жалал-Абад ОИИБдин Кылмыш иликтөө бөлүмүнүн кызматкерлери тарабынан жүргүзүлгөн иликтөө иштеринин натыйжасында окуяга шектүү катары мурда бир нече жолу соттолгон Ноокен районунун Шайдан айыл аймагынын тургуну 1988-ж.т. С.А. кармалып, убактылуу кармоочу жайга киргизилген.
Азыркы учурда тергөө амалдары жүрүп жатат.
Пикирлер (0)
Пикир жок. Сиз биринчилерден болушуңуз мүмкүн