Жалал-Абадда чек арачы 4 жашар кыздын өмүрүн сактап калды

Шамалды-Сай шаарчасында чек ара кызматкери 4 жашар кызды кырсыктан сактап калды.  Бул тууралуу Мамлекеттик чек ара кызматынан билдиришти.

Окуя 18-август күнү болгон.  Анда  Шамалды-Сай шаарчасында балдар ойноочу короодо турникке байланган жипке асылып калган кызды 2027 аскер бөлүгүнүн кызматкери Калысбек Эмилбеков сактап калган. Ал дем жетпей бараткан наристени жиптен чыгарып, эсине келе түшкөндө аянттагы кыз-келиндерге өткөрүп берген.

Куткарылган Аяна аттуу төрт жаштагы кыздын апасы 19-августта чек арачы Калысбек Эмилбековго ыраазычылыгын билдирип, Шамалды-Сай айылдык кеңеши чек арачыга сыйлык ыйгарган.