Экстремистик көз карашты жайылткан Жалал-Абад шаарынын 30 жаштагы тургуну камакка алынды. Бул тууралуу Жалал-Абад ОИИБдин Басма сөз кызматы билдирди.
Жалал-Абад шаардык ички иштер бөлүмүнүн Экстремизмге жана мыйзамсыз миграцияга каршы аракеттенүү тобунун кызматкерлери тарабынан жүргүзүлгөн ыкчам иликөө иш-чараларынын натыйжасында диний экстремистик, террористтик багытта аныкталган социалдык баракчада “ФБ” аккаунту аркылуу Жалал-Абад шаарынын “Ф” аттуу тургуну социалдык тиркемесин колдонуу менен Жалал-Абад шаарынын аймагында, Кыргыз Республикасында тыюу салынган диний-экстремисттик, террористик уюмдардын биринин материалдарын ачык түрдө сактап, социалдык баракчалары аркылуу чакырыктарды жасап, бөлүшүп жатат - деген маалымат алышкан.
Бул факты боюнча чогулган материал 18.06.2022-жылы Жалал-Абад ШИИБдин КБРне катталып, Кыргыз Республикасынын КЖКнын 332-беренесинин (Экстремисттик материалдарды даярдоо, таратуу) негизинде кылмыш иши козголгон.
Тергөөнүн жүрүшүндө диний-лингвистикалык жана техникалык экспертизалар дайындалып, натыйжада “Кыргыз Республикасында тыюу салынган диний-экстремисттик, террористик “Өзбекстан Ислам Кыймылы” уюмуна тиешелүү материалдарын бөлүшүп жүргөн”- деген корутунду чыгарылган.
Аталган кылмыш ишинин алкагында Кыргыз Республикасында тыюу салынган диний-экстремисттик, террористтик “Өзбекистан Ислам Кыймылынын” уюмуна таандык материалдарын бөлүшүп жүргөн Жалал-Абад шаарынын 1992-жылы туулган тургуну Х.Ф. экендиги аныкталып, тергөө кызматына өткөрүлүп берилген.
2022-жылдын 24-август күнү жетиштүү далилдердин негизинде Кыргыз Республикасынын Кылмыш жазык процессуалдык Кодексинин 96,97-беренелерине ылайык Жалал-Абад ШИИБдин убактылуу кармоочу изоляторуна киргизилген.
Учурда бул кылмыш ишин соттун кароосуна өткөрүү максатында тергөө аракеттери мыйзам чегинде толук кандуу жүргүзүлүп жатат.
Пикирлер (0)
Пикир жок. Сиз биринчилерден болушуңуз мүмкүн