Жалал-Абадда милиция илдетке байланыштуу түшүндүрүү иштерин жүргүзүп жатат (фото)

Жалал-Абадда милиция илдетке байланыштуу түшүндүрүү иштерин улантууда. Бул тууралуу Жалал-Абад ОИИБдин басма сөз кызматынан кабарлашты. 

Маалыматка ылайык, Майлуу-Суу жана Кара-Көл шаардык ички иштер бөлүмү коронавируска байланыштуу түшүндүрүү иштерин жүргүзүп жатат. Анын жүрүшүндө милиция кызматкерлери үй карантинге алынган жарандарды тиешелүү талаптарды бузбай, себепсиз эч жакка барбоого чакырышкан.Анда учурда өлкөдө жугуштуу илдеттин толкуну басаңдай электиги айтылып, беткаптарды тагуу менен бирге өз саламаттыгына кам көрүүгө үндөшкөн.

Мындан сырткары шаар тургундарына жөнү жок көчөгө чыкпоо керектиги эскертилип, санитардык жана жеке гигиеналык талаптарды толук кармануу зарылдыгы белгиленген.