Жалал-Абад облусунда кооптуу болуп аныкталган объектерде атайын алдын алуу жумуштары жүргүзүлүүдө. Бул тууралуу Өзгөчө кырдаалдар министрлигинин басма сөз кызматынан билдирди.
Маалыматка ылайык, Таш-Көмүр шаарынын Теңдик аймактык башкармалыгынын Кош-Терек айылындагы жана Суранкулов көчөсүндөгү сел өтүүчү сайларды тазалоо жумуштары аткарылып жатат. Аткарылган жумуштардын натыйжасында 961 турак жай, 2 мектеп, 727 га аянт чарчы жери селден корголору кабарланды.
Ошондой эле, ӨКМ тарабынан 2020-жылга атайын түзүлгөн мерчемдин негизинде 76 объект бекитилген. Анын ичинен 20 объектиде жумуш жүргүзүлүп, 18инде жумуш аяктап, 2 объектиде жумуш улантылып жатканы айтылат.
Пикирлер (0)
Пикир жок. Сиз биринчилерден болушуңуз мүмкүн