Кулжа 17, 2024
Убакыт: 01:25
USD
87.10
88.00
EUR
93.70
94.70
RUB
0.955
1.000

Жалал-Абадда таштандыдан ара төрөлгөн наристе табылып, энеси аныкталды

20.11.2023 16:07
498
Жалал-Абадда таштандыдан ара төрөлгөн наристе табылып, энеси аныкталды


Жалал-Абад шаарындагы Спутник кичи шаарчасындагы таштанды таштоочу жайдан ара төрөлгөн ымыркай табылды. Бул тууралуу облустук милициянын басма сөз кызматынан билдиришти.

Маалыматка ылайык, окуя 18-ноябрда болжол менен саат 08:40та катталган.

Бул факты Жалал-Абад ШИИБдин маалыматтардын электрондук журналына катталып, териштирүү иштери башталган.

Жалал-Абад ШИИБдин тергөө-ыкчам тобу окуя болгон жерге барып, тиешелүү матералдар чогултулган. Териштирүү учурунда ымыркайдын энеси делген кыз аныкталган. Ал 18 жаштагы Базар-Коргон районунун Акман айыл аймагынын тургуну Т.Э. болуп чыккан.

"Ал 18-ноябрда убактылуу жашап жаткан батиринде кыз төрөп, аны жаш баланын кийимине ороп эшикке алып чыгып, таштанды таштоочу жайга таштап кеткен. Ымыркайды таап алган жаран менен милициянын аймактык ыйгарымдуу өкүлү аны төрөт үйүнө алып барышкан. Наристе азыр тирүү", - деп айтылат маалыматта.

Учурда текшерүү иштери уланууда.

Теги

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн