Жалал-Абадда жеке ишкер миң мүшөк унду элге таратат (фото)

Жеке ишкерлердин бири өзгөчө абал киргизилген Сузак районунун жана Жалал-Абад облусунун башка райондоруна коронавирустан жабыр тарткан элге миң мүшөк ун жөнөттү.  Бул тууралуу фейсбук колдонуучуларынын бири Нургазы Мусаев жазып чыкты.  

Нургазы Мусаевдин билдирүүсүнө караганда жеке ишкер Чолпонбай Исмаилов 1000 мүшөк ун, 2 тонна өсүмдүк майы, 200 атайын кийим, 5 тонна сабиз жөнөткөн. 

"Айтылуу "Жаңыбай самса" чайханалар түйүнүн ээси, кайрымдуулугу менен аты чыккан ишкер Чолпонбай ажы Исмаилов короновирус менен күрөшүп жаткан врачтар жана бул илдет менен күрөшүүгө тартылган бардык мекендештерибизге 1000 мешок ун, 2 тонна өсүмдүк майы, 200 атайын кийим, 5 тонна сабиз жөнөттү. Бул иштерге 1 миллион 200 миң сом коротушту", - деп жазган фейсбук колдонуучусу.