Жалал-Абадда жол кырсыктан 8 адам каза болду (видео)

Жалал-Абад облусунда жол кырсыктан 8 адам каза болду. Бул тууралуу ӨКМдин басма сөз кызматы 4-сентябрда билдирди. 

Маалыматка караганда, жол кырсык 4-сентябрда  саат 09:00 чамасында Тогуз-Торо районунун Казарман айылынын Тагай тилкесинде катталган. “Ауди А6” үлгүсүндөгү унаа менен “ХОВО” үлгүсүндөгү оор жүк ташуучу унаасы сүзүшкөн.

Кырсыктын кесепетинен 8 адам каза болгон, 6 эркек, 2 аял (аты-жөндөрү такталууда).

Жерине Тогуз-Торо райондук №46 өрткө каршы куткаруу бөлүмүнүн куткаруучулары тартылып, каза болгон адамдардын жансыз денелерин унаадан чыгарышып, ИИМ кызматкерлерине өткөрүп беришкен.