Жалал-Абаддын Административдик сотунун 2 судьясынын ыйгарым укугу токтотулду

Судьялар кеңеши тарабынан президент Сооронбай Жээнбековдун атына ыйгарым укуктарынын мөөнөтү аяктагандыгына байланыштуу жергиликтүү соттордун бир катар судьяларын кызматынан бошотуу тууралуу сунуштары түштү.

Президенттин басма сөз кызматы билдиргендей, Конституциянын жана мыйзамдардын ченемдери боюнча мамлекет башчысы кол койгон жарлыкка ылайык, Жалал-Абад облусунун Административдик сотунун судьялары Каипова Нурила Кочкоровна жана Мажитов Бакытбек Өмүрзаковичтин ыйгарым укуктары 2020-жылдын 25-майында мөөнөтү бүткөндүгүнө байланыштуу токтотулат.

Жарлыктар кол коюлган күндөн тартып күчүнө кирет.