Токтогул ГЭСинин жалган маалымат тараткан кызматкерлери кармалды

Токтогул ГЭСинде иштеген 3 жумушчу Кара-Көл шаарында WhatsApp аркылуу такталбаган чагымчыл маанайдагы маалымат таратып жиберишкен.

Ишенимдүү булактар билдиришкендей, 18-мартта Кара-Көл шаарынын тургундары 1966-жылы туулган Ш.Ж. 1959-жылы туулган С.О. жана 1990-жылы туулган Б.А. "шаар тургундары арасында коронавирус жуктуруп алгандар бар" деген жалган маалыматты тараткан.   

Бул жарандарга шаардын мэриясы, күч кызматкерлеринин өкүлдөрү тарабынан түшүндүрүү иштери жүргүзүлдү. Алар коомчулук алдында ачык кечирим сурашты.