Кара-Суу районунун Нариман айыл аймагынын Осмон айылынын тургундары айылдын ортосундагы сарайда мал баккан Жалил Атамбаевге нааразы.
Жергиликтүү тургундардын айтымында, Осмон айылынын ортосундагы мал сарай 5 гектар жери менен менчиктештирилип кеткен.
Тургундар ал жердеги сарайдын ээси милициянын мурдагы кызматкери Жалил Атамбаевге таандык экенин айтышып, сарайды айылдын ортосунан көчүрүп кетүүнү талап кылышкан.
"Малдын калдыктары, тезектери баары жыттанып, суу менен агып чыгат. Айрыкча жазында сасып, айылда жашоого мүмкүн болбой калат. Андан көрө ушул жерди элге жер тилкеси катары өткөрүп берсин. Мал сарайын каалаган жерине салып алсын",- дейт жергиликтүүлөрдүн бири.
Пикирлер (1)