Жалпы 509. Өлкөдө дагы 14 дарыгерден коронавирус аныкталды

Бир сутка ичинде өлкө боюнча 14 медицина кызматкери коронавирус жуктуруп алганы аныкталды. Бул тууралуу саламаттыкты сактоо министринин орун басары Нурболот Үсөнбаев 18-июндагы брифингде билдирди.

Жаңы учурлар:

Бишкек шаарында – 5;

Чүй облусунда – 2;

Ош шаарында – 4;

Нарын облусунда – 2;

Жалал-Абад облусунда – 1.

Ал эми стационарлардан сутка ичинде 6 медкызматкер айыгып чыгарылган. Инфекциядан сакайган медиктердин жалпы саны 373кө жетти.

Жалпысынан республика боюнча COVID-19 диагнозу менен медицина кызматкерлеринин арасында – 509 учур катталды.