Жогорку Кеңештин депутаты Жанар Акаев мурдагы муфтий Максат ажынын кармалышы боюнча пикирин билдирди. Бул тууралуу ал Фейсбук баракчасына жазды.
"Муфтияттагы окуя боюнча тергөө толук далилдене электе эле ызы-чуу түшүп, бир тараптуу каралоо жүргүзүп жатканыбыз туура эмес. Албетте, коррупциялык иштер далилденсе, тиешелүү адамдар жооп бериши керек. Бирок башкы бухгалтердин айыбы үчүн дароо муфтий Максат ажы Токтомушевди камакка алуу чечими шашып кеткендей туюлду мага. Мындан жети жыл мурун ошол кездеги муфтийди да чыр менен иштен алышкан, ошондо мен журналист элем, муфтий Рахматулла ажы Эгембердиевге барып анын да чындыгын чагылдыргам элге. Азыр Максат ажынын пикирин сураганга, анын сөзүн элге жарыя кылганга да эч ким жетишпей калды окшойт. Жабыркап жаткан инсандын да чындыгын угат коомчулук, ага чейин сабырдуу болуп, тыянак чыгарбай турганыбыз оң" ,- деп билдирүү калтырган эл өкүлү.
Пикирлер (3)