Коронавирус боюнча мурда катталгандардан оор абалда жандандыруу бөлүмүндө жаткан 6 жаран жөнөкөй палатага которулду. Бул тууралуу Саламаттыкты сактоо министрлигинин коомдук саламаттык сактоо башкармалыгынын башысы Айнура Акматова маалымат жыйында билдирди.
Анын айтымында, бүгүн, 27-мартта саат 14:00гө карата дагы 14 жаңы учур катталды, алардын жетөө Жалал-Абад облусунун аймагынан, жетөө Ош облусунун аймагынан катталды. 10 аял киши, 4 эркек киши. 5 киши Умрадан келген адам болсо, калган 9 киши алар менен байланышта болгон.
Учурда мурда жана жаңы катталган 58 бейтапты протоколдук негизде дарылоо процедуралары жүргүзүлүп жатат. Мурда катталып, жандандыруу бөлүмүндө жаткан 6 жарандын абалы жакшырып, жөнөкөй палатага которулду. Ал эми Жалал-Абадда бир бейтап жандандыруу бөлүмүндө кармалууда, бирок жасалма дем алдыруу аппаратына муктаж эмес, деди Акматова.
Пикирлер (0)
Пикир жок. Сиз биринчилерден болушуңуз мүмкүн