Жаңы Ош — Кашкар — Ош авиакаттамы ачылышы мүмкүн

Министрлер кабинетинин төрагасы Акылбек Жапаров Ош — Кашкар — Ош авиакаттамын ачууну сунуштады. Бул тууралуу өкмөттүн маалымат кызматы билдирди.

Жумушчу сапардын алкагында Жапаров Кытайдын Синьцзян-Уйгур автономиялуу районунун (СУАР) партиялык комитетинин катчысы Ма Синжуй менен жолуккан.

"Тараптар энергетика, жер казынасын пайдалануу, айыл чарба продукциясын экспорттоо, электрондук коммерция жана бондалык аймак маселелерин кеңири талкуулашты. Жапаров Ош — Кашкар — Ош аба каттамын ачууну сунуштады", — деп айтылат маалыматта.

Ал ошондой эле СУАР парткомунун катчысы Ма Синжуй менен СУАРдын элдик өкмөтүнүн башчысы Эркин Туниязды Кыргызстанга иш сапары менен келип кетүүгө чакырды.