Жаңы шайланган Жогорку Кеңештин депутаттарынын алгачкы жыйыны эки жума ичинде өтөт. Бул тууралуу Борбордук шайлоо комиссиясынын төрайымы Нуржан Шайлдабекова 28-ноябрда өткөн парламенттик шайлоонун расмий жыйынтыгын жарыялагандан кийин билдирди.
Парламенттик шайлоо аралаш системада өтүп 36 округдан 34 депутат, партиялык система боюнча 54 депутат шайланды.
Жогорку Кеңешке 6 партия 5 пайыздык босогодон өттү.
Конституцияга ылайык, Жогорку Кеңештин биринчи жыйынын парламенттин жаш курагы боюнча эң улуу депутат ачат. Улуу курактагы депутаттардын тизмесинин сап башында "Ынтымак" партиясынан талапкер Шарапаткан Мажитова турат. Ал 66 жашта.
Пикирлер (0)
Пикир жок. Сиз биринчилерден болушуңуз мүмкүн