Борбордук шайлоо комиссиясы (БШК) Жогорку Кеңештин VII чакырылышына шайлоону утуп чыккан талапкерлерге 22-декабрда депутаттык мандат тапшырууну пландап жатат. Бул тууралуу "Азаттык" радиосу билдирди.
Жаңы чакырылыш Жогорку Кеңештин регламенти жөнүндө мыйзамдын негизинде ишин баштайт. Мандат берилгенден кийин эки апта ичинде жаңы чакырылыш биринчи сессиясын өткөрүшү керек. Парламенттин жаңы курамы ишин баштаган күндөн тартып VI чакырылыш ишин токтотот.
VII чакырылыштагы депутаттардын биринчи сессиясын өткөрүү боюнча уюштуруу комитети иштеп жатканын анын мүчөсү, "Ынтымак" партиясынын лидери Марлен Маматалиев "Азаттыкка" билдирди. Анын айтымында, 23-декабрда алгачкы сессияны өткөрүү пландалууда.
Булак: Азаттык радиосу
Пикирлер (0)
Пикир жок. Сиз биринчилерден болушуңуз мүмкүн