Жаңы сейил бакка акысыз Wi-Fi орнотулат

Бишкектеги жаңы сейил бакка видео көзөмөл жана акысыз Wi-Fi орнотулат. Бул тууралуу Бишкек мэриясынын басма сөз кызматы маалымдады.

Бишкек  шаардык мэриясынын Капиталдык курулуш дирекциясы Боталиев жана Манас көчөлөрүнүн кесилишиндеги жаңы сейил бакка видео көзөмөл тутумун орнотууну пландаштырууда. Тендер жакында мамлекеттик сатып алуулар порталында жарыяланат.

Паркта 7,5 гектар аянтты камтыган сервердик бөлмө жана 52 видео камера болот. Жарандар үчүн жашыл зонанын бардык периметри боюнча акысыз кирүүгө мүмкүнчүлүгү бар Wi-Fi зоналары орнотулат.

Жаңы паркты видеокөзөмөл менен камсыз кылуу үчүн 2 миллион 634 миң сом каралган.