Өзгөчө абал кирген аймактарда "Тез жардам" кызматы жеткиликтүү жардам көрсөтүүдө

Өзгөчө абал кирген аймактарда жарандар тез жардам кызматы аркылуу тейленип жатат. Бул тууралуу 30-апрелдеги брифингде Саламаттык сактоо министрлигинин бөлүм башчысы Кубанычбек Калмаматов айтты.

Анын айтымында ооруканаларга коронавирус илдетин жуктурган гана адамдар жеткирилет.

“Бүгүнкү күндө саламаттыкты сактоо министрлигини ишканалары өлкөдөгү кырдаалга байланыштуу чектелген абалда иштеп жатат. Ал эми өзгөчө абал режими алынгандан кийин көнүмүш тартипте иштейт. Жарандарга тез жардам кызматы аркылуу жеринен тийиштүү жардамдар көрсөтүлүп жатат”, - деди Калмаматов.