9 млн сом турмуш-шарты оор үй-бүлөлөргө гуманитардык көмөк көрсөтүү үчүн багытталат. Бул тууралуу Өкмөттүн басма сөз кызматынан билдиришти.
Маалыматка ылайык, тийиштүү чечим турмуштук оор кырдаалда турган адамдарды тамак-аш азыктары менен камсыз кылуу үчүн ыктыярдуу кайрымдуулук түрүндө жеке жана юридикалык жактардан келип түшүүчү акча каражаттарын бөлүштүрүү боюнча комиссиянын кезектеги кеңешмесинин жыйынтыгы боюнча кабыл алынган.
Маалыматка таянсак, өзгөчө абал режими киргизилген калктуу конуштардагы кырдаалды эске алуу менен Ош шаарына 4 миллион сом, Нарын шаарына 1 миллион сом, Жалал-Абад шаарына 1 миллион сом, Сузак районуна 2 миллион сом жана Ноокат районуна 1 миллион сом гуманитардык көмөк көрсөтүү максатында тийиштүү чечим чыккан.
Пикирлер (1)