Жайыттарды жакшыртуу жолго коюлат

Бүгүн, 28-майдагы Жогорку Кеңештин жыйынында депутаттар "КР айрым мыйзам актыларына (Жер кодекси, “Жайыттар жөнүндө” мыйзамы) өзгөртүүлөрдү киргизүү жөнүндөгү” мыйзам долбоорун үчүнчү окууда карады.

Мыйзам долбоору аркылуу «жайыттарды жакшыртуу», «жайыттарды үстүртөн жакшыртуу», «жайыттарды түп-тамырынан жакшыртуу», «маданий жайыттар», «тоют ѳсүмдүктѳрү», «шалбааландыруу» деген түшүнүктѳр киргизилүүдѳ.

Жыйында белгилүү болгондой, учурдагы эң маанилүү жана орчүндүү кѳйгѳй болуп жайыттардын берекесиз болуп жатканы эсептелинет. Андыктан тиешелүү министрликтин бирден бир маанилүү жана негизги чаралары Кыргызстанда жайыттарын башкаруу жана пайдалануу жаатындагы мамлекеттик саясатын жүргүзүү болуп эсептелинет.

Тагыраагы жайыттарды жакшыртуу боюнча иш-чараларды уюштурууда, малдардын басымдуулук ченемин аныктоодо алгылыктуу аракеттерди көрүү шарт.

Аталган мыйзам долбоору үчүнчү окууда добуш берүүгө жөнөтүлдү.