Жазгы талаа иштерине 3 млн литр дизель майы жеңилдетилген баада берилүүдө, - министрлик

Жазгы талаа иштерине 3 млн литр дизель майы жеңилдетилген баада берилүүдө. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.

Республика боюнча жалпы 64,6 миң тонна кылкандуу дан өсүмдүктөрүнүн үрөнү керектелсе, үрөнчүлүк чарбалар жана чарба субъекттери тарабынан 58,1 миң тонна кылкандуу дан эгиндеринин үрөнү топтолгон же камсыздалганы 89,9%түздү.

Анын ичинен жаздык буудай үрөнүнүн керектөөсү 20,5 миң тоннаны түзсө, топтолгону 18,0 миң тонна же камсыздоо 88,1%.

Жаздык арпа үрөнүн керектөөсү 43,9 миң тонна болсо, топтолгону 39,8 миң тонна же камсыздоо 90,7%түздү.

Мындан тышкары - сулу, кара күрүч, соя, күрүч жана тамекинин үрөндөрү 100% камсыз болду. 

Анын ичинен Жогорку Кеңештин депутаты сөз кылган Лейлек району боюнча дан эгиндердин керектелүүсү 2 683 тонна болсо анын 2570 тоннасы топтолуп, камсыздоо – 95,7% түздү.

Анын ичинен ичинен жаздык буудай үрөнүнүн керектөөсү 898 тоннаны түзсө, топтолгону 853 тонна же камсыздоо 94,9%.

Жаздык арпа үрөнүн керектөөсү 1 785 тонна болсо, топтолгону 1 717 тонна же камсыздоо 96,1% түздү.

Мындан сырткары, жүгөрү 88,1 %, күрүч – 100%, сафлор – 100%, күн карама – 100%, картөшкө – 91,7% камсыздалды.

Азыркы күндө үрөнчүлүк  чарбалардагы даярдалган үрөндөр дыйкан фермерлердин өздүк керектөөсүнө жараша таратылууда. 

Күйүүчү-майлоочу материалдар боюнча. 2025-жылдагы  жазгы-талаа иштерин жүргүзүүгө республика боюнча жалпы 42,2 миң тонна дизель отуну, 12,0 миң тонна автобензин  керектелет. 

Күйүүчү-майлоочу материалдар менен камсыздоо максатында 2025-жылдын 15-январында министрлик менен Кыргызстан нефтетрейдерлер ассоциациясынын ортосунда өз ара түшүнүү келишимине  кол коюлган.

Келишимдин шарты боюнча Нефтетрейдерлер ассоциациясы  нефтебазаларда жана май куючу жайларда күйүүчү-майлоочу материалдардын топтолушун дайыма камсыз кылууда.

Ошону менен бирге 2025-жылдын талаа жумуштарын өз убагында өткөрүүдө дыйкан фермерлерди мамлекеттик колдоо  максатында 3 млн литр дизель отунун  жеңилдетилген баада 65 сомдон берилип жатат.

Ал эми   Баткен облусуна 215 миң литр, анын ичинен  Лейлек районуна 116 миң 800 литр  дизель отуну  үчүн  бөлүнүп берилген, учурда облустун райондун дыйкан-фермелеринен дизель отунун сатып алууга  акча каражаттары топтолуп жатат.

Мындан тышкары, Лейлек районунун май куюуучу жайларында бүгүнкү күндө  Бензиндин баасы АИ 92 - 64сом 20 тыйын, АИ 95- 72 сом 40 тыйын, дизелдик отун -71 сом 60 тыйындан болууда.