Жеңиш Разаков сотко келди

14-февралда Бишкектеги Биринчи май райондук сотунда ички иштер министринин мурдагы орун басары Курсан Асановдун иши боюнча соттук угуу башталды. Ага жакында эле вице-премьер-министрлик кызматтан бошотулган Жеңиш Разаков да катышты. Сот отуруму судья Адылбек Эсенбаевдин жетекчилигинде жабык режимде өтүүдө.

Бир нече жансакчынын коштоосунда келген Ж.Разаков бул иш боюнча жабырлануучу катары сот отурумдарына катышууда. Ал «Чындык» басылмасынын редактору Турсунбек Бейшенбековго карата арыз жазган. Тергөөнүн версиясы боюнча, К.Асанов Разаков тажик чалгындоосунун агенти экени тууралуу маалымат таратып, ага «Чындык» басылмасынын редактору жардам берген.