Урматтуу Садыр Нургожоевич!
Урматтуу Камчыбек Кыдыршаевич!
Жемкорлор менен бандиттерди жок кылууда туура эмес кадамдар болуп жатат!
Бир нече "Миллиарддаган $ доллар" уурдаган жемкорлор, коррупционерлер миллиард сом төгүп коюу менен, Өлкөбүз жемкорлордон тазаланбайт.
Ал үчүн, жеген-ичкендерин толук, эселеп төктүрүп, үй-мүлкүн конфискациялап, өздөрүн түрмөгө бир канча жылга соттогондо гана алардан арылмакбыз, кутулмакбыз, тазаланмакбыз.
Мындан ары андай иштерге баруу, кан буугандай токтомок!
Эгер бир нече миллиарддаган $ долларды уурдап, коррупцияга баргандар миллиард сом төгүп, анан соттон 260миң сомго штраф төлөп кутула беришсе, анда мындан ары деле коррупциялык иштер, жеп-ичүүлөр, жемкорлуктар токтобойт.
Себеби: миллиард $ уурдаса, миллиард сом менен кутулуп кете беришет.
Андыктан Садыр, Камчыбек инилерим, аларга карата жумшактык кылбагыла, аларды аябыгыла.
Алар элди, журтту, мамлекетти аяшса, ойлошсо минтеп талап-тоноп, жеп-ичишип, жемкорлукка барышып, коррупциялык "СХЕМАЛАР" менен алектенишмек эмес!
Элибиздин 1/3 бөлүгү өлбөстүн күнүн көрүш үчүн, бакыт издеп, башка өлкөлөргө тентип кетишмек эмес.
Мамлекетибиз минтеп 5 миллиард $ га карызга батып, таланып - тонолбойт эле.
Андыктан, аларга эч качан аёо, кечирим болбошу керек.
Садыр, Камчыбек инилерим, кайратыңардан жазбай, коркпой - этпей, катуу чараларга барып, мыйзамдын алкагында аларды катуу жазалаганда гана, тазалануу жүрмөк.
Мындай кадамга барсаңар, Силерди - эл-журт түп көтөрүлүп колдоп-коргоп алмак.
Коррупционерлерди аяй турган болсок, анда алардан эч качан кутулуу мүмкүн эмес!
Ошондуктан мыйзамдын өтө оорун колдонуп, ичкен- жегендеринин эселеп төктүрүп, андан соң бир нече жылга соттоп, үй- мүлктөрүн конфискациялап койсоңор гана коомубуз, Өлкөбүз бул жегич - иттерден тазаланмак.
Коррупционерлерге айыбы угузулганда коррупция беренеси гана коюлуп жатыптыр, бул туура эмес деп ойлоймун. Кызмат абалынан кыянат пайдалануу, кызматынан аша чабуу жана алдын - ала уюшуп, бир нече адам менен кылмышка баруу беренелери да коюлса туура болмок.
Жалгыз адам, килтейген коррупциялык ишти жүргүзүп, " СХЕМА" түзүшү мүмкүн эмес да.
Тергөө да бир тараптуу жүргүзүлүп, коррупционерлердин пайдасына иштеп жаткандай туюлат.
Коррупционерлерге, жеп-ичип жемкорлукка баргандарга аёо, жумшактык жарашпайт.
Өздөрүнө жараша мамиле колдонуу зарыл!
Менин сунушумду, ой-пикиримди туура түшүнүү менен кабыл алып, бул боюнча тыянак чыгарсаңыздар жакшы болоор деймин.
Пенсионер Токобаев Исмаил Төлөгөнович.
10.03.2021- жыл. Сокулук району. Селекция айылы. Тел.0705 662852.
Пикирлер (1)