Жеңиш Молдокматов Тилек Куреновдун бошотулушу боюнча пикирин билдирди

Жеңиш Молдокматов активист Тилекмат Куреновдун үй камагына бошотулушу боюнча пикирин билдирди. Бул тууралуу ал Фейсбук баракчасына жазды.

"Урматтуу мекендештер, активисттер, ЖМК өкүлдөрү баарыңыздарга терең ыраазычылык билдиребиз! 

   Кыргыздын мыкты уулу Тилекмат Куренов бүгүн үй камагына чыгарылды. Тилекмат камалган күндөн баштап бийликтен Тилекматтын эркиндигин талап кылып тургандардын саны арбыды. Анткени саясий куугунтук болуп жатканы баарына белгилүү эле. Биз жана команда чындык үчүн бүгүнкү күнгө чейин күрөшүп келдик...

   Урматтуу биздин чындыкты түшүнгөн жакындар жана колдоочулар, сиздерге терең ыраазычылык билдирем. Өзгөчө ЖМК өкүлдөрүнө алкыш айтам!",- деп билдирүү калтырган Молдокматов.